गावात एकूण ८ जिल्हा परिषद शाळा आणि ८ अंगणवाडी केंद्रे कार्यरत आहेत. आरोग्य व शिक्षणाबरोबरच सामाजिक कार्यासाठी येथे अश्वमेध प्रतिष्ठान मासले बेलपाडा या स्वयंसेवी संस्थेमार्फत “आजारी वन्य पशू-पक्षी उपचार केंद्र”, “संस्कृती संशोधन केंद्र” आणि “सह्याद्री संदर्भ ग्रंथालय” या उपक्रमांचे कार्य सुरु आहे.

महिला सक्षमीकरणासाठी गावात सखी ग्रामसंघ व हरी हरेश्वर ग्रामसंघ अशा बचतगटांच्या माध्यमातून शिलाई मशीन प्रशिक्षण, उद्योजकता उपक्रम, रानभाज्या विक्री यांसारख्या उपक्रमांचे आयोजन केले जाते.

ग्रामपंचायतीत जलजीवन मिशन, स्वच्छ भारत अभियान, प्रधानमंत्री आवास योजना, महिला बचतगट योजना, जन मन योजना, आदिम घरकुल योजना, शबरी आवास योजना, मोदी आवास योजना आदी विविध शासकीय योजना राबविण्यात येत आहेत. ग्रामपंचायतीचा वार्षिक निधी सुमारे ₹४,८८,७३४/- असून तो आरोग्य, शिक्षण, उपजीविका, स्वच्छता, पाणीपुरवठा, दिव्यांग कल्याण, महिला व बालकल्याण, रस्ते व गटारे विकास, पशुसंवर्धन, कृषी व सांस्कृतिक उपक्रम या क्षेत्रांमध्ये वापरला जातो. 

धार्मिक व सांस्कृतिक जीवनात राम मंदिर, विठ्ठल मंदिर, हनुमान मंदिर, म्हसोबा मंदिर व साती आसरा (पाण्याची रक्षक देवता) यांचा समावेश असून गणेशोत्सव, दसरा, दिवाळी, होळी, ऋषिपंचमी, सर्वपित्री अमावास्या, रानभाज्या उत्सव असे सण उत्साहाने साजरे केले जातात.

स्वच्छता व पर्यावरण रक्षणासाठी वृक्षारोपण, स्वच्छता हि सेवा, आणि प्लास्टिक बंदी अभियान ही उपक्रम राबविले जातात.

ग्रामपंचायतीचे अधिकृत कामकाजाचे वेळापत्रक सोमवार ते शुक्रवार सकाळी ९.४५ ते सायं ६.१५ पर्यंत असून, शनिवार, रविवार व शासननिर्धारित सुट्ट्यांना कार्यालय बंद असते.

ग्रामपंचायत अधिकारी श्री. विलास कृष्णा मिरकुटे (मो. ९४२३९४६७९३) आहेत.